Siglir tar il cuntegn

Header

vista sin la citad da Rheinfelden AG
Legenda: La citad da cunfin Rheinfelden, chantun Argovia, vegn onurà. mad/J.Batten/protecziun da la patria
cuntegn

Svizra Premi Wakker 2016 va a Rheinfelden AG

La citad da cunfin fetschia cler, co in patertgar globalisà ed a lunga vista possia era influenzar sur ils cunfins dal pajais la qualitad da viver d'in lieu, uschia scriva la Lia svizra per la protecziun da la patria.

La protecziun da patria onurescha cun il premi Wakker 2016 en spezial che Rheinfelden ha etablì e promovì la collavuraziun sur ils cunfins da parcellas, ils cunfins da quartier ed ils cunfins naziunals. Il singul object da construcziun na saja nagin solist, mabain s'integreschia en in gieu communabel.

Positiva saja era la collavuraziun stretga da Rheinfelden AG cun sia «sora» pli gronda en la Germania. Las administraziuns e las autoritads da mintga vart dal Rain sa barattian periodicamain, scriva la protecziun da la patria.

Premis en il Grischun

Er il chantun Grischun è adina puspè vegnì onurà cun il premi da la Lia svizra per la protecziun da la patria. L'onn passà ha la Bregaglia survegnì il premi Wakker (guarda aritgel), Fläsch il 2010 (guarda il link), Vrin il 1998, Spleia il 1995 e Guarda il 1975.

La surdada uffiziala dal premi Wakker a Rheinfelden ha lieu ils 18.06.2016

RR novitads 11:00

Artitgels legids il pli savens

Scrollar a sanestra Scrollar a dretga