Prangins è ina vischnanca sper Nyon ed è registrà en l'inventari naziunal sco maletg dal lieu da muntada naziunala. Sco spezialmain degns da vegnir protegids vala il chastè ch'è er la sedia dal Museum naziunal en Svizra franzosa. Er il center dal vitg istoric ha speziala valur.
Svilup cun valurs istoricas
La vischnanca da Prangins haja decis da promover lur svilup entras e cun las valurs istoricas e da sviluppar vinavant quellas, ha communitgà la Lia svizra per la protecziun da la patria. La finamira saja da colliar il svilup demografic cun in'auta qualitad da viver.
En favur dal maletg da la vischnanca, la cuntrada ed ils parcs n'haja Prangins betg giu tema da desister sin terren cultivabel.
Il premi vegn surdà ils 27 da zercladur a Prangins.
Ord l'archiv da SRF:
video
Il Château de Prangins
Or da DRS Aktuell dals 23.10.1987.
laschar ir. Durada: 1 minuta 2 Secundas.
