Siglir tar il cuntegn

Header

Bancnotas da 10, 20 e 50 francs sin ina pluna
Legenda: Las premias s'augmentan, las reducziuns dentant betg Keystone
cuntegn

Svizra Premias creschan - la reducziun da premias dentant betg

Persunas en Svizra che han paucs daners a disposiziun ston dar or adina dapli per premias da las cassas da malsauns.

L'onn 2014 duvravan persunas cun pajas pitschnas en media 12 % da lur entradas per la cassa da malsauns - il 2010 eran quai anc 10 %. Quai ha constatà l'Uffizi federal da sanadad.

La raschun èn las premias da las cassas da malsauns che creschan. Bain profiteschan persunas cun paucs daners da la reducziun da las premias. Quellas n'èn dentant betg creschidas uschè fitg sco las premias - perquai che blers chantuns spargnan là. L'onn 2014 han Confederaziun e chantuns pajà radund 4 milliardas francs per reducziuns da premias da cassas da malsauns. La Confederaziun ha adattà la summa a l'auzament da las premias. La cumpart dals chantuns è dentant sa reducida da 50 % l'onn 2010 sin 44 % l'onn 2014.

En Svizra po passa in quart da l'entira populaziun profitar da reducziuns da premias da cassas da malsauns.

RR novitads 12:00

Artitgels legids il pli savens

Scrollar a sanestra Scrollar a dretga