Siglir tar il cuntegn

Header

Ina chombra en il Spital regiunal Surselva.
Legenda: Ils custs da sanadad creschan ed uschia era las premias da cassas da malsauns. Keystone
cuntegn

Svizra Premias da cassas da malsauns creschan per passa 5%

Las cifras concretas per las premias da cassas da malsauns èn conuschentas: En il Grischun creschan las premias per las cassas da malsauns l’onn proxim per 5,4% – per uffants per 5,5%. En l’entir pajais creschan las premias per persunas creschidas en media per 4,5% – per uffants en media per 6,6%.

L’Uffizi federal da sanadad argumentescha l’augment dals custs da sanadad cun il svilup demografic e cun il svilup medicinal tecnic. Il grond augment nodan las premias da cassas da malsauns per uffants, qua cuvrian gia dapi onn las entradas nagins custs.

Las premias da las cassas da malsauns s’augmentan l’auter onn en media per 4,5% - en il Grischun per passa 5%. Quai communitgescha l’Uffizi federal da sanadad. Il pli grond è l’augment tar las premias per uffants. Quellas creschan numnadamain en media en l’entir pajais per 6,6%. En il Grischun per 5,5%, La raschun saja che las premias na cuvrian gia dapi onns betg pli ils custs, argumentescha l’Uffizi federal da sanadad.

Creschientscha en media da las premias da chassas da malsauns

AG, BE, LU, SH, TG, ZG, ZHPli pauc che 4%
AR, BS, NW, OW, SG, SZ, UR, VDTranter 4% e 5%
AI, BL, FR, GE, GL, GR, JU, NE, SO, TI, VSDapli che 5%

L’augment actual è sur la media dals ultims onns

Las premias da cassas da malsauns en dapi che l'assicuranza da basa obligatorica è vegnida introducida il 1996 mintg’onn creschidas. Ils ultims 10 onns en media per 3,6%. Eran las premias l’onn d’introducziun tar 173 francs il mais èn ellas l’onn proxim en media tar 447 francs il mais.

Las cassas da malsauns ston infurmar lur assicurads fin la fin d'october davart las premias per il 2017.

La politica è la culpa

Las premias da las cassas da malsauns s’augmentan per passà 4% en Svizra. Quai è in sbagl da la politica crititgescha la protecziun dals consuments. La politica impedescha mesiras per reducir ils custs. Era l’organisaziun per la protecziun dals pazients crititgescha ch’il problem principal è tar ils blers tractaments ambulants. Ils chantuns vegnian distgargiads uschia ma las cassas da malsauns stoppian pajar pli e pli bler, argumentesch l’organisaziun da pazients.

RR novitads 11:00+

Artitgels legids il pli savens