Il cusseglier federal Ueli Maurer, il schef da l'armada André Blattmann ed il schef da l'armament Martin Sonderegger han orientà las duas Cumissiuns per la politica da segirtad dal parlament federal. Per 250 milliuns francs cumpra l'armada in sistem da dronas e per 271 milliuns francs vehichels champesters. Plinavant è vegnì preschentà sin la plazza militara in nov simulatur da sajettar per las buis d'assagl 90, quel vegn a custar 21 milliuns francs.
Dronas da l’Israel
La cumissiun per la politica da segirtad dal Cussegl naziunal vul cumprar dronas da l'Israel. Il president da la cumissiun, Thomas Hurter da la PPS Turgovia, ha explitgà ch'i na dettia nagina alternativa pli sche l'Armada svizra veglia avair novas dronas. L’offerta dals Stadis Unida da l’America na saja betg pli disponibla. Il Cussegl naziunal vegn a debattar questa cumpra en la sessiun da stad.
RR novitads 17:00