Tgi che cuntrafa a las prescripziuns da corona duai vegnir chastià en l'entira Svizra tuttina. Quai pretenda la Conferenza dals procuraturs publics. Per exempel propona ella da punir persunas che na portan betg mascra dapertut cun 250 francs.
Finamira da la conferenza saja d'unifitgar las sancziuns, ha ditg il procuratur public general dal chantun Friburg, Fabien Gasser, envers Radio RTS. Actualmain dettia grondas differenzas da chantun tar chantun. Ed il medem mument vegnian las reglas surpassadas adina pli savens.
Per cuntrafar a la regla da purtar mascras, stettia en discussiun in chasti da 250 francs. Interpresas u organisaturs d'occurenzas che cuntrafetschian a las prescripziuns duain stuair pajar tranter 2'000 e 2'500 francs, uschia Gasser.
