Las reglas per la scadenza da la lubientscha dad ir cun auto duain vegnir schluccadas. Sch'in automobilist cun ina lubientscha sin emprova rumpa duas giadas la lescha, duai il bigliet scadir en l'avegnir mo, sch'era la segunda cuntravenziun è greva u mezgreva.
Suenter il Cussegl dals chantuns ha uss era il Cussegl naziunal accpetà ina moziun da l'anteriur cusseglier naziunal Oskar Freysinger. La decisiun è crudada senza votaziun. La cumissiun da traffic aveva proponì unanimamain d'inoltrar la moziun.
RR novitads 14:00