Il president da la Migros, Andrea Broggini, vul sa retrair la segunda mesadad dal 2019 e betg pir la stad 2020, sco communitgà ordavant. Uschia veglia el garantir ina midada senza difficultads. Quai ha ditg Broggini en in’intervista cun la gasetta «NZZ». Pertge il 2020 stoppian vegnir remplazzads quatter commembers independentamain.
Uschia po il nov president u la nova presidenta cundecider cun tgi ch'el ni ella vul collavurar en futur en l'administraziun.
L'advocat d'economia tessinais era entrà il 2004 en l'administraziun. Dapi il 2012 è el president dal gremi cun 23 chaus. L'administraziun è il gremi da surveglianza da la Federaziun da las cooperativas Migros, cumparegliabel cun il cussegl d'administraziun en ina societad d'aczias.
RR novitads 10:00