Siglir tar il cuntegn
cuntegn

Svizra President da la PCD lauda colliaziun dals burgais

Il president dals cristiandemocrats, Christophe Darbellay è persvadì dal pachet da mesiras che las partidas burgaisas PCD, PLD e PPS han preschentà quest'emna per rinforzar il lieu d'economia svizzer.

Christophe Darbellay
Legenda: Christophe Darbellay lauda en la «Samstagsrundschau» da radio SRF l'accord da la PCD, PLD e PPS. Keystone

Meglras cundiziuns per la Svizra sajan indispensablas, ha Darbellay ditg en la «Samstagsrundschau» da radio SRF. Da l'autra vart ha el concedì che la PCD na saja betg vegnida da persvader las ulteriuras partidas burgaisas per in cler GEA a la via bilaterala cun l'UE. Schizunt la PLD na veglia betg discurrer surlonder avant las elecziuns.

Las schanzas d’elecziun da la PCD vesa Darbellay sco intactas, malgrà ina situaziun da partenza difficila. Il potenzial saja grond. Simpatisants stoppian dentant vegnir mobilisads meglier.

RR novitads 17:00