Legenda:
Cun la refurma daventia l’armada bain pli schlanca survegnia persuenter dapli musculs, uschia il president da la societad svizra dals uffiziers Stefan Holenstein.
Keystone
cuntegn
Svizra - President dals uffiziers avertescha d’in naufragi da l’armada
Il president da la societad svizra dals uffiziers Stefan Holenstein avertescha dal referendum encunter la refurma da l'armada. Las mancanzas actualas da l'armada svizra stoppian vegnir reglads, cas cuntrari hajan ins a la fin ina armada che fetschia naufragi, ha ditg Holenstein envers radio SRF.
Cun in referendum vegnia il chalender per il svilup da l’armada spustà per in fin dus onns. Tenor Holenstein è il svilup da l'armada l'emprima da las refurmas dals ultims 20 onns che possia ademplir las premissas materialas, finanzialas e persunalas.
Ins saja propi en ina situaziun relativamain confortabla, quai che na saja betg stà il cas avant. Cun la refurma daventia l’armada bain pli schlanca survegnia persuenter dapli musculs.
