Siglir tar il cuntegn

Header

Duas dunnas en discussiun.
Legenda: Martina Bircher durant la sessiun speziala ordaifer la Chasa federala. Keystone
cuntegn

Presidi da la PPS Martina Bircher – enstagl da candidar focus sin la famiglia

La cussegliera naziunala da 36 onns na candidescha betg per il presidi da la Partida populara svizra. La politicra da l’Argovia che ha in buob da dus onns – dat la preferenza a la vita da famiglia.

Martina Bircher ha gia orientà avant pliras emnas la cumissiun per chattar in candidat respectiv ina candidata. Ella ha confermà envers l’agentura da novitads Keystone-SDA, infurmaziuns da las gasettas da CH-Media.

Dasper sia situaziun famigliara haja er il fatg giugà ina rolla, ch’ella saja pir dapi set mais en il Cussegl naziunal. Uschia haja ella anc pauc experientscha.

Elecziun en bun in mais

Uschia èsi pulit segir, ch’ils delegads da la PPS vegnan ad avair la schelta tranter dus umens. Sonda ils 22 d’avust è previsa a Brugg la radunanza da delegads, che duai eleger il nov president da la Partida populara svizra. Ils dus candidats che restan èn Andreas Glarner (57) da l’Argovia ed Alfred Heer (58) da Turitg. Quai vul dir che la PPS vegn ad avair per l’emprima giada en sia istorgia – in’elecziun da cumbat.

Tagesschau dals 13 da fanadur:

video
En la cursa per il presidi è Alfred Heer il favurit
Or da Tagesschau dals 13.07.2020.
laschar ir

RTR novitads 14:00

Artitgels legids il pli savens

Scrollar a sanestra Scrollar a dretga