Siglir tar il cuntegn

Header

In placat che inditgescha ch'igl è reservà per il presidi da la PS.
Legenda: Per il presidi da la PS Svizra datti duas candidaturas per in copresidi ed ina candidatura singula. Keystone
cuntegn

Presidi da la PS Svizra Trais candidaturas per la successiun da Levrat

Dus duos ed ina persuna singula vulan surpigliar il presidi da la Partida socialdemocratica svizra. Per la successiun da Christian Levrat èn s'annunziads ils dus teams Mattea Meyer da Turitg e Cédric Wermuth da l'Argovia sco era Priska Seiler Graf da Turitg e Mathias Reynard dal Vad. Sco candidat singul sa metta a disposiziun il Bernais Martin Schwab.

Jon Pult vul daventar vicepresident

L'elecziun è al di da partida dals 4 e 5 d'avrigl a Basilea. Era elegids vegnan lura ils vicepresidents e las vicepresidentas. Barbara Gysi dal chantun da Son Gagl ed Ada Marra dal Vad sa mettan a disposiziun per in'ulteriura perioda d'uffizi. Percunter sa retiran la Tessinaisa Marina Carobbio, la Bernaisa Tamara Funiciello sco er Beat Jans da Basilea Citad.

Inoltrà sia candidatura per il post d'in vicepresident ha tranter auter il Grischun Jon Pult. Ulteriurs candidats e candidatas èn Jacqueline Badran ed Angelo Barrile da Turitg, Martine Docourt (copresidenta da las dunnas da la PS), Ronja Jansen (presidenta da la JUSO Svizra) e Bruno Storni dal Tessin.

RTR novitads 11:30

Artitgels legì il pli savens

Nach links scrollen Nach rechts scrollen