Siglir tar il cuntegn

Svizra Prestaziuns supplementaras varieschan fin 12'000 francs

Persunas che retiran dasper la renta d’AVS u d’AI er prestaziuns supplementaras na vegnan betg tractads dapertut tuttina. Qua constatescha la controlla da finanzas federala en in rapport.

Dunna pensiunada che retira daners d'in bancomat.
Legenda: Tut tenor en tge chantun ch'ins viva datti 12’000 francs dapli prestaziuns supplementaras. Keystone

Ils chantuns hajan bain in tschert spazi d’agir quai che pertutga il calcular las prestaziuns supplementaras, per part vegnia quel però surpassà.

In exempel mussia: En in dals chantuns ils pli generus datti fin 12’000 francs dapli che quai ch’i dat en in dals pli spargnus. L’uffizi federal per assicuranza socialas vul ussa s’occupar da quest fatg.

RR novitads 08:00