Siglir tar il cuntegn

Header

video
Sindicat UNIA ha ina facultad da 800 milliuns
Or da Tagesschau dals 08.10.2021.
laschar ir
cuntegn

Pretendì transparenza UNIA è bler pli ritga che enconuschent

Il sindicat UNIA ha ina facultad da 836 milliuns francs. La pli gronda organisaziun da lavurantas e lavurants ha publitgà per l’emprima giada en l’istorgia sias finanzas. Ella ha publitgà quints da concern sco era quints dal sindicat ch'è organisà sco uniun dals onns 2016 fin 2020 sin lur pagina d'internet. Il motiv per quest pass è tenor l’organisaziun l’interess medial.

Finanzialmain solid

Las gasettas da Tamedia ed il Blick avevan las ultimas emnas publitgà detagls tar las finanzas da la UNIA. Tranter auter avevi dà rinfatschas pervi da la transparenza manglusa. Enfin uss ha la UNIA be resumà sias activitads finanzialas sin in fegl A4 e dà uschia invista a la publicitad. Ella tutga, tenor cifras publitgadas il davos onn, tar las organisaziuns politicas cun las pli grondas capacitads finanzialas.

Gudogn grazia immobiglias

Fatg gudogn ha il sindicat oravant tut cun investiziuns finanzialas e cun immobiglias. La scheffa da l’UNIA, Vania Alleva, ha ditg en ina conferenza da pressa, ch’ella na sa perstgisa betg che las finanzas èn bunas. In ferm ed independent sindicat saja impurtant per l’equiliber politic.

RTR novitads 16:00

Artitgels legids il pli savens

Scrollar a sanestra Scrollar a dretga