Svizra - Pretschs a l'engrossa èn sa reducids l'avrigl
Pretschs pli bass per products da petroli e maschinas han laschà crudar ils pretschs dal commerzi a l'engrossa l'avrigl passà per 0,2% cumpareglià cun il mars. Envers l'avrigl 2016 èn ils pretschs dentant s'augmentads per 0,8%. Quai communitgescha l'Uffizi federal da statistica.
Responsabel per la reducziun èn ils pretschs pli bass per ferramenta veglia, maschinas ed uras. S'augmentads èn ils pretschs da producents perencunter per apparats electronics per la medischina.
L'index total dals pretschs da producents ed imports ha cuntanschì l'avrigl il stan da 100,1 puncts (basa: december 2015 = 100).
