Per la Partida socialdemocratica ha la liberalisaziun dal martgà da forza electrica fatg naufragi. Quai mussia l’explosiun dals pretschs actuala. En consequenza pretendia la partida da restructurar il martgà dal tuttafatg, rapporta la «SonntagsZeitung».
Naginas speculaziuns pli
Il punct central dal plan da refurma saja in scumond da specular per furniturs da forza electrica. Quels duajan vegnir obligads da cumprar il current sin basa da contracts a lunga vista per pretschs fairs e custs da producziun indigens. Cumpras speculativas a la bursa duajan percunter de facto vegnir scumandadas. Il schef da la fracziun da la PS, Roger Nordmann, spera che questas mesiras portian pretschs stabils e raschunaivels per chasadas ed interpresas sco er dapli investiziuns en energias regenerablas.
