Ils pretschs da consuments èn sa reducids l'avrigl per 0,2%. Cumpareglià cun il medem temp da l'onn avant munta la reducziun ad 1,1%, scriva l'uffizi federal per statistica.
Entant ch'ils pretschs per rauba indigena èn creschids levet, èn quels per la rauba d'export sa reducids per 5%. La raschun per questa reducziun è surtut la crudada dal pretsch d'ieli. Ieli da stgaudar custa entant 25% damain ch'avant in onn, il benzin 14% damain.
Pli bunmartgà èn vegnids l’avrigl autos novs. Er ils pretschs da pernottaziuns en hotels e l’ieli da stgaudar èn sa reducids. Pajar dapli han ins dentant stuì per vestgadira da stad.
RR novitads 12:00