Legenda:
Sper il ris èn era autras victualias sco charn-portg, peschs e puma da cros daventadas pli charas.
Keystone
cuntegn
Svizra - Pretschs lev pli auts il matg
L'index dals pretschs da consuments è s'augmentà il matg per 0,2% cumpareglià cun l'avrigl. Sco quai che l'Uffizi federal da statistica communitgescha, è l'augment d'attribuir a pretschs pli auts per autos novs, ieli da stgaudar, benzin ed als fits d'abitaziun.
Era s'augmentads èn ils pretschs tranter auter en ils secturs da vestgadira e chalzers, da victualias e da bavrondas alcoholicas.
Imports pli favuraivels
Ils pretschs per products svizzers n'èn betg sa midads fitg. Persuenter èn sa reducids ils pretschs per products importads. Quels eran il matg 4,9% pli favuraivels ch’il mais passà.
L’index dals pretschs da consuments ha cuntanschi il matg 98,3 puncts (december 2010 = 100 puncts). L’avrigl muntava la chareschia annuala a -0,2%.
