In'ura kilowatt custa il proxim onn en media 20,5 raps. Ina chasada normala dovra per onn var 4'500 uras kilowatt. Quai fa en media in pretsch total da var 920.-- francs l'onn per la forza electrica. Tut tenor furnitur varieschan quels custs ferm. Il pretsch per la forza electrica sa resulta dal pretsch d'energia, il pretsch per l'infrastructura e differentas impostas. Sumegliant vesa la situaziun ora per affars pitschens e mesauns.
Gia l'avust ha l'agentura da novitads AWP fatg ina retschertga. Tenor quella pon ils clients en il chantun Grischun far quint cun pretschs pli bass dal provediment da basa.
RR novitads 16:00