Pervi da la conjunctura che patescha il mument ferm pervi dal coronavirus, ha il Cussegl federal budgetà per il 2021 in deficit dad 1,1 milliardas francs. Quai saja malgrà la situaziun tendia in fitg bun resultat. I restan dentant bleras malsegirezzas.
I dettia pliras raschuns per las cifras meglras ch'en las emprimas prognosas, hai num en il messadi tar il budget 2021 da la Confederaziun. Vitiers tutgia la reserva tar il start da la planisaziun dal preventiv dad 1,1 milliardas francs, ed er il gudogn supplementar da 0,7 milliuns, che la Banca naziunala svizra ha distribuì. Ma er vitiers vegn er il spustament da las taglias sin l'onn 2021 en l'autezza da 2,4 milliardas francs.
Per finanziar las mesiras per supportar las pandemia da corona en quest onn, ha la Confederaziun investi meds finanzials liquids ed ha auzà ses daivets. Tenor stimaziun creschan ils daivets bruts da la Confederaziun durant l'onn 2020 sin 105,6 milliardas francs (+8,7 milliardas francs). Il frain a l'indebitament nudass per l'onn 2021, pervi da l'economia ch'è sfundrada ferm, in deficit da 3,3 milliardas francs. Las expensas budgetadas giaschan uschia 2,2 milliardas sut las expensas maximalas pussaivlas ed is a resultass in in surpli correspundent.
