Siglir tar il cuntegn

Header

cuntegn

Prevenziun d'accidents Velocipedists chaschunan mintg'onn 200 grevas collisiuns

Velocipedists che cuntrafan a las reglas dal traffic chaschunan mintg'onn 200 collisiuns cun grev blessads u morts. Quai correspundia a radund 10% da las collisiuns grevas sin vias svizras, ha communitgà il Post da consultaziun svizzer per la prevenziun d'accidents, BFU.

Savens datti ina collisiun, perquai che velocipedists u velocipedistas na resguardan betg las reglas da precedenza. Uschia dettia ad onn per media quatter morts e dapli che 60 grevblessads. Per gronda part saja il velocipedist culpant sez l'unfrenda.

Dapli controllas

Il BFU cusseglia da sensibilisar ils velocipedists e las velocipedistas, e che la polizia fetschia dapli controllas tar lieus neuralgics. El cusseglia ultra da quai da schlargiar la rait da vias da velo, cun paucas sviadas e curts temps da spetga. Grevas collisiuns tranter auto e velo possian ins tenor BFU era reducir tras moderns sistems da charrar – sco l'assistent frain d'urgenza, l'avisader collisiuns ed era l'assistent per midar direcziun.

Ord l'archiv

audio
31'000 accidents da velo
06:26 min, La cifra dals 30.04.2020.
laschar ir. Durada: 06:26 minutas.

RTR novitads 14:00

Artitgels legids il pli savens

Scrollar a sanestra Scrollar a dretga