Siglir tar il cuntegn

Svizra Prevenziun da vegliadetgna fa rumpatesta als giuvens

Ils giuvenils svizzers fan dapli quitads per la prevenziun da la vegliadetgna che per ils temas immigraziun ed asil.

Giuvenisl che entran ina scola.
Legenda: Ils giuvenils svizzers fan dapli quitads per la prevenziun da la vegliadetgna che per ils temas immigraziun ed asil. Keystone

Tenor il barometer da giuventetgna da la Credit Suisse fan ils giuvenils svizzers ils pli blers quitads pervi da la prevenziun da la vegliadetgna. Il resultat confermia la tendenza dals ultims onns.

La votaziun davart l'AVS e la debatta davart la problematica hajan probabel rinforzà la conscienza dals giuvens. Cunquai veglian els exprimer ch'i vegnia ussa spetgà urgentamain schliaziuns da la politica.

Nagin tema en auters pajais

En ils ulteriurs pajais examinads n'è il tema prevenziun da vegliadetgna mai vegnì tranter ils top 10. Ils pli gronds quitads fan en l'USA ed il Singapur la dischoccupaziun ed en il Singapur la corrupziun.

Per il barometer da giuventetgna èn vegnids dumandads 1'000 giuvenils tranter 16 e 25 onns en la Svizra, la Brasilia, ils Stadis Unidsed il Singapur. la retschertga è vegnida fatga da gfs.berna l'avrigl ed il matg da quest onn.

RR novitads 11:00