Prevenziun da vegliadetgna separa partidas burgaisas

Pliras partidas burgaisas èn sa mussadas per la refurma da vegliadetgna. Uschia ha la PCD, PLD, PBD, GLP e la EVP giuvna communabel cun organisaziuns d’economia e da seniors fatg reclama per in «Gea» a l’urna ils 24 da settember.

In um en acziun. Bild in Lightbox öffnen.

Legenda da maletgs: Dapi 20 onns n'è la finanziaziun da l'AVS betg vegnida adattada. Keystone

Suenter 20 onns senza refurma stoppia la finanziaziun da l'AVS vegnir adattada a las sfidas da l'avegnir, scrivan las partidas en ina communicaziun. Cun la refurma vegnia impedì da far deficits da milliardas. La finanziaziun tras ils lavurers, ils patruns, la taglia sin la plivalur e la Confederaziun saja faira e sociala. Era vegnia cun la midada tar la tariffa da conversiun la repartiziun da la generaziun activa sin las persunas pensiunadas reducida.

La PLD e la PPS cunter la refurma

La Parida liberaldemocratica (PLD)cumbatta communabel cun la PPS la refurma. Ma parts da la PLD cun l’anteriura cussegliera dals chantuns Christine Egerszegi valan tar ils promoturs da la refurma. La partida Verdliberala è pir dapi curt tar ils promoturs d’in gea ils 24 da settember.

Dunnas vegnan pensiunadas cun 65 onns

Cun la refurma tar la prevenziun da vegliadetgna vul il Cussegl federal auzar la vegliadetgna da pensiun da las dunnas da 63 sin 65 onns. La tariffa da conversiun vegn sbassada da 6,8% sin 6% quai che procura per perditas tar la pensiun da 12%. Compensà duai questa sperditas vegnir cun in auzament da las contribuziuns da la renta d’AVS per 70 francs e cun pli autas contribuziuns.

RR novitads 14:00