- Tom Cruise turna gist cun dus films sin la taila: En «Mission Impossible 7» vegn ins a vesair ina massa action e stunts nars. E cun «Top Gun 2: Maverick» cumpara suenter 36 onns la cuntinuaziun da «Top Gun» da l'onn 1986.
- Robert Pattinson tira en il costum da «Batman» e cumbatta encunter il nausch a Gotham City. Quella giada èn dumandadas las cumpetenzas da detectiv da Batman. Igl è temp da dumandar pled e fatg tut quels che maldovran lur pussanza a Gotham.
- En il nov film da Marvel «Doctor Strange in the Multiverse of Madness» sto Dr. Strange far adatg ch'il univers na crodan betg ensemen dal tuttafatg.
- Finalmain duai er «Avatar 2» dal reschissur James Cameron vegnir en ils kinos. Jack e Neytiri ston ina giada dapli spendrar il planet Pandora.
- Or da l'univers da Harry Potter datti ina cuntinuaziun: «Phantastische Tierwesen 3 – Dumbledores Geheimnisse». Il zoolog magic Newt Scamander cumbatta encunter il magier Gellert Grindelwald, che vul adina dapli pussanza en il mund magic.
- Or da la sparta da horror cumpara «Scream5», il morder cun «Ghostface» turna enavos a Woodsboro.
- Era per ils pitschens datti da vesair insatge; il 2022 tschertgan ils «Minions» il Mini-Boss.
- In vegl encunoschent è Johnny Knoxwille e ses cumpels. Il cumenzament han els producì la seria «Jackass» per MTV, nua ch'els mussavan da tuttas sorts stunts ed emprovas da curaschi. «Jackass forever» è gia il sisavel film da kino. Era cun bunamain 50 n'è Johnny Knoxville betg propi vegnì creschì.