Legenda:
Il Pride Festival ha il motto «Same Love – Same Rights».
Keystone
cuntegn
Svizra - Pride Festival vul che tuts pon maridar
Il Pride Festival a Turitg è s'engaschà per l'egualitad. Sut il motto «Same Love – Same Rights» (per rumantsch «la medema charezzia – ils medems dretgs») han il participants pretendì che tuts pon maridar civil.
La glieud è s'inscuntrada al Helvetiaplatz ed è sa participada al cortegi dals omosexuals, dals bisexuals, e da la Transgender-Community, quai cun musica, bandieras e balluns.
Sco quai ch'ils organisaturs han communitgà sajan quest onn 60 gruppas stadas da la partida al festival – tantas sco anc mai. La Pride Parade datti dapi l'onn 1994. Ella è naschida en commemoraziun ad ina revolta d'omosexuals encunter las mesiras arbitraras da la polizia a New York.
