A Basilea ha la polizia bloccà la ruta perquai che pliras gruppaziuns avevan cuvert lur fatscha ed eran equipadas cun material da protecziun.
Emprovas da sviar il rest da la manifestaziun sin ina ruta alternativa n'èn betg reussidas. Il sindicat Unia ha condemnà l'engaschi da la polizia «cunter persunas paschaivlas» ed ha discurrì d'in scandal.
Sindicats pretendan egualitad, dapli paja e rentas pli autas
Als umans restia adina pli pauc per viver: Durant ch’ils tschains da locaziun e las premias da las cassas da malsauns creschian, stagneschian las pajas e las rentas vegnian scursanidas, scriva l’Uniun sindicala svizra che ha organià radund 50 occurrenzas en l’entir pajais.
A la manifestaziun a Bienna ha il cusseglier federal da la PS e president da la Confederaziun, Alain Berset, tegnì in pled. Sia collega da partida, Elisabeth Baume-Schneider, tegna ses pled a Berna.