Siglir tar il cuntegn

Header

Persunas sin fanestra.
Legenda: Demonstrar davent da chasa. SRF
cuntegn

Prim da matg Per l'emprima giada dapi 130 onns naginas manifestaziuns

Per l'emprima giada dapi 130 onns na datti quest onn naginas manifestaziuns dal prim da matg en Svizra. En il cumbat cunter la pandemia da corona han ils sindicats e la partida socialdemocratica transferì lur activitads en l'internet. Il suentermezdi vegnan emess pleds e podis direct ord il «Volkshaus» a Turitg.

Demonstrar davent da fanestra u dal balcun

En il «Kreis 4» a Turitg han abitants fatg gronda canera e demonstrà davent da chasa per meglras pajas. Clamà a l'acziun aveva l'uniun sindicala dal chantun Turitg.

video
Il prim da matg a Turitg
Or da Tagesschau dals 01.05.2020.
laschar ir

Intginas persunas èn er idas sin il «Helvetiaplatz» per demonstrar, nua ch'il til da demonstraziun cumenzà tradiziunalmain. En gruppas pitschnas cun distanza han ils demonstrants fatg sgulatschar bandieras cotschnas u han fatg canera cun ils scalins da lur velos. La polizia ha surveglià la demonstraziun pitschna.

Ord l'archiv

L'istorgia davos il prim da matg, curt e cumpact declerà da nouvo.

video
Perquai n'has ti betg liber ils 1-5
Or da Nouvo RTR dals 28.04.2018.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga