La gasetta cumpara en sis ediziuns per las differentas regiuns e sco ediziun naziunala. Tenor la chasa editura - AZ Medien SA - vegnian il mument squitschads 214'000 exemplars da la 'Schweiz am Wochenende'. Uschia pon ins cuntanscher 450'000 lecturas e lecturs.
Las singulas gasettas pon ins abunar cun u senza ‘Schweiz am Wochenende’. La differenza dal pretsch importa 21 francs. Tar il pretsch da l’abunnament da la gasetta da fin ussa ‘Schweiz am Sonntag’ e la nova ‘Schweiz am Sonntag’ na datti nagina differenza.
La 'Schweiz am Sonntag' è per l'emprima giada cumparida il settember 2007. Dapi lura era Patrik Müller schefredactur. En il fratemp è el era schefredactur da la 'az Nordwestschweiz'.
Sco raschun per la midada aveva la chasa editura numnà la mancanza d'entradas cun reclama ed ils auts pretschs per il squitsch e la distribuziun.
RR novitads 12:00