Legenda:
La paraid-crap oz. En il grip eran vegnì deponids 7000 tonnas muniziun.
Keystone
cuntegn
Svizra - Privel d'explosiun a Mitholz pli grond che spetgà
Il privel d’explosiun en l’anteriur deposit da muniziun Mitholz en la Part Sura Bernaisa è pli grond che spetgà fin uss. Quai mussa il rapport intermediar d'ina gruppa d’experts.
En l'implant sballunà sa chattan anc adina pliras tschient tonnas material explosiv. Il departament da defensiun sclerescha co ch’il privel pudess vegnir sbassà, uschia hai num en ina communicaziun. I na dovra dentant naginas mesiras urgentas.
Il 1947 è explodida la mesadad da la muniziun deponida a Mitholz. Nov persunas han pers la vita e pliras chasas èn vegnidas destruidas.
Legenda:
Durant la notg sin ils 20 december 1947 è sballunada la paraid-crap a Blausee-Mitholz.
Keystone
