Siglir tar il cuntegn

Svizra Privel da terror crescha en Svizra

Il minister da defensiun, Ueli Maurer fa quitads per la segirezza en Svizra. Il privel da terror saja creschì. Entras l'unda da migraziun actuala possian er persunas entrar che stettian datiers al Dschihad, ha Maurer ditg en in'intervista cun la Basler Zeitung.

Ueli Maurer
Legenda: Per Ueli Maurer crescha il privel da terror en Svizra. Keystone

Il secretariat statal per migraziun SEM ed il servetsch secret controlleschian perquai pli intensivamain las dumondas d'asil, uschia Mauerer. Tar intgins pajaisd'origin vegn fatg la controlla sistematica, tar auters pajais dettia il SEM vinavant ils dossiers sulet en cas da suspect.

RR novitads 12:00