La raschun saja l'unda da chalira – che cuntinuescha dapi emnas. Cun quella creschia il privel da crappa, pervi da la pauca naiv e las temperaturas autas. En la regiun da Grindelwald haja quai dà pliras giadas bunamain in accident, rapporta la «SonntagsZeitung».
En il Vallais n’èn pervi da las cundiziuns extraordinarias singuls pizs betg pli accessibels. Entant ch’ils guids talians desistan d’ir sin il Matterhorn, è l’ascensiun da la vart svizra anc pussaivla. Ils guids da muntogna da Zermatt stritgan però era adina dapli turas, tenor il «SonntagsBlick». Per exempel quellas sin ils pizs da Castor e Pollux.
Igl è per part l’emprima giada en l’istorgia dal turissem – che tschertas rutas classicas sin ils pizs vegnan stritgadas.