La situaziun da privel en Svizra n’è ils davos trais onns betg sa midada, quai resulta dal rapport da segirtad dal Cussegl federal. Ils privels sajan dentant vegnids pli palpabels, uschia renaschia globalmain ina politica da pussanza dals stadis, scriva il cussegl federal. Cunquai vegnia la spiunascha pli impurtanta. Il privel d’attatgas terroristicas è anc adina auts, quai surtut en connex cun acturs islamics, scriva il Cussegl federal.
Extremissem en Svizra
Il potenzial da violenta dal extremissem da dretg e dal extremissem da sanestra exista vinavant en Svizra. Acts da violenza d'extremists da dretg èn strusch da nudar. En la scena datti dentant in dumber pli grond d'armas. Era il sport da cumbat vegn trenà. L'extremissem da sanestra percunter ha cumenzà da manar campagnas da violenza. Tar demonstraziuns han ins constatà che l'agressivitad cunter polizia e persunal da segirtad è creschida.
RR novitads 15:00