Il Cussegl naziunal ha approvà ina moziun dal parlamentari grischun Stefan Engler. Quella pretenda da simplifitgar las tariffas sin uschenumnads «pachets». Latiers vai per cumbinaziuns da prestaziuns u products ch'èn suttamessas a differentas tariffas da la taglia sin plivalur.
Talas cumbinaziuns datti per exempel tar la hotellaria, sche pernottaziuns vegnan cumbinadas cun pass da skis u tractaments da wellness. Il pachet vegniss tenor la moziun suttamess da nov a la tariffa bassa da l'hotel da 3,7%.
Sco proxim sto il Cussegl dals chantuns tractar la moziun.
RR novitads 15:00