Siglir tar il cuntegn

Header

cuntegn

Svizra Prix Courage 2018 va a Natalie Urwyler

Urwyler vegn onurada per ses cumbat per egualitad da las dunnas en ospitals. Sco media superiura da l'Inselspital a Berna aveva ella sa dustà per ina meglra protecziun da maternitad ed era silsuenter vegnida relaschada. Era nominà per il Prix Courage era il whistleblower Adam Quadroni.

La media da 44 onns era sa fatga ferma per la protecziun da dunnas en speranza en l'ospital e per ina meglra protecziun da la maternitad. Suenter la naschientscha da ses emprim uffant è ella lura vegnida relaschada il 2014 da l'ospital cun l'argumentaziun che la fidanza saja disturbada. Urwyler però ha interpretà la demissiun sco act da vendetga ed è ida avant dretgira. L'emprima ed er la segunda instanza han valità la desditga sco act da vendetga e pia abusiva.

En la communicaziun dals organisaturs dal «Beobachter Prix Courage» da venderdi saira vegn Urwyler onurada per ses engaschament per l'egualitad da dunnas en ospitals. Il premi è dotà cun 15'000 francs e vegn surdà d'ina schuria cun set commembers e dal public.

Era nominà per il premi è stà il whistleblower Adam Quadroni ch'ha scuvert il cartel da construcziun en Engiadina.

RR novitads 20:00

Artitgels legids il pli savens