Ils quatter projects nominads dal Grischun èn:
- il producent da charn setga da Cuira «Alpahirt» – cun charn indigena e senza additivs
- la Chamanna Cluozza a Zernez – la suletta en il Parc Naziunal Svizzer e cun 6'000 giasts per onn ina da las pli frequentadas da la Svizra
- la patissaria «Garde-Manager» d'Ardez che fa patissaria franzosa, venda quella en dus cafés ad Ardez e Guarda sco er fin a Turitg
- il manaschi da charrotschas e da chavaltgar Wohlis a Puntraschigna – che tegna dapi 25 onns chavals en ina muntanera e dovra quels per viadis cun charrotscha en la Val Roseg sco er per chavaltgar
-
Bild 1 von 4. «Alpahirt» a Cuira. Bildquelle: Max Hugelshofer.
-
Bild 2 von 4. Chamanna Cluozza a Zernez. Bildquelle: Alexandra Rozkosny.
-
Bild 3 von 4. Patissaria «Garde-Manager» ad Ardez. Bildquelle: Max Hugelshofer.
-
Bild 4 von 4. Manaschi da charrotschas e da chavaltgar Wohlis a Puntraschigna. Bildquelle: Alexandra Rozkosny.
Ils ulteriurs dus projects nominads èn per ina «Berg und Bett» dal Toggenburg en il Son Gagl che lascha vi abitaziuns da vacanzas vidas a giasts svizzers e da l'exteriur. Uschia genereschan els var 30'000 pernottaziuns supplementaras en la val.
L'auter project è la «Manufactura da latg» ad Einsiedeln en il chantun da Sviz. Cun mussar e laschar sa participar a l'elavuraziun da products da latg indigens attiran els mintg'onn var 150'000 visitadras e visitaders.
Cun il premi principal ch'è dotà cun 40'000 francs vegnan onurads projects innovativs che contribueschan a la valur e la diversitad economica da las regiuns da muntogna. Quel vegn surdà dapi il 2011.
Il premi dal public ch'è dotà cun 20'000 francs vegn surdà entras ina votaziun online. Quel datti dapi il 2017.
President da la giuria è dapi il 2024 l'anteriur passlunghist e campiun olimpic, Dario Cologna.
La surdada dal premi 2025 è ils 4 da settember a Berna.