Iniziativa per la suveranitad alimentara
Iniziativa per la suveranitad alimentara
| PRO | CONTRA |
| Cun l'iniziativa vegnan promovidas mangiativas sanadaivlas e regiunalas e quai senza tecnica da gens. | Ils pretschs per mangiativas creschan, perquai che producir tut en Svizra custa dapli ed ils purs dattan vinavant ils custs a las consumentas ed als consuments. |
| L’iniziativa vul procurar per pretschs gists, per che las famiglias da purs possian viver e lavurar per in pretsch gist e sut cundiziuns fairas. | Cun quai ch'ils custs per ils purs daventassan pli auts, stuess il stadi er pajar dapli subvenziuns als purs e per consequenza fissi dad auzar las impostas. |
| Cun l’iniziativa datti dapli plazzas da lavur en il sectur da l’agricultura ed en las regiuns. | L’elecziun da mangiativas en butia vegn cun l'iniziativa pli pitschna, cun quai ch'i vegn pli grev dad importar products da l'exteriur. |
| Ils gronds concerns d'alimentaziun internaziunals han ozendi memia gronda pussanza. L'iniziativa vul focusar sin products regiunals e pigliar davent la pussanza als concerns che fan squitsch sin ils pretschs e sin las cundiziuns da lavur. | L’iniziativa vul dar in'enorma pussanza al stadi. Ils adversaris teman, ch'ils purs daventian impiegads dal stadi. |
l'iniziativa vegn ad avair grev a l'urna. Il Cussegl federal, il Cussegl dals chantuns ed era il Cussegl naziunal èn cleramain cunter l'iniziativa. Era ils purs che politiseschan a Berna n'èn betg persvas da l’iniziativa ch'è vegnida lantschada dal sindicat dals purs «uniterre». L'ultim pled ha però il pievel - il cumbat da votaziun ha cumenzà ed ils 23 da settember sa mussa, tge vart che ha pudì persvader il suveran svizzer.
RR actualitad 17:00
