La Pro Natura ha tschernì il giat selvadi europeic sco ambassadura per ils guauds selvadis e las cuntradas culturalas multifaras ed uschia sco animal da l'onn 2020. L'animal ch'era ina giada periclità da svanir sa derasa oz puspè. Quai communitgescha l'organisaziun per l'ambient Pro Natura. Dal tut salvà na saja il giat selvadi però betg.
Bunas schanzas da sa derasar
Il giat selvadi è surtut da chasa en ils guauds da la chadaina dal Giura. Fin avant 10 onns avev'ins strusch enconuschientschas da l'animal, entant datti in monitoring dals giasts selvadis. Novas enconuschientschas mussan, che noss giats selvadis survivan bain era dador ils guauds, premess ch'els chattan avunda zups. Las schanzas èn pia bunas ch'il giat selvadi sa derasa dal Giura sur la Svizra Bassa fin en las Prealps.
Ord l'archiv
RTR novitads 11:00
