Siglir tar il cuntegn

Header

cuntegn

Pro Senectute Appel per dapli protecziun per senioras e seniors

En vista al di internaziunal da la vegliadetgna fa l’organisaziun «Pro Senectute» in appel a la politica: Ins stoppia far dapli per proteger senioras e seniors da violenza. Fin in mez milliun dad ellas ed els sajan mintg’onn pertutgads da violenza. La politica s’empatschia memia pauc dal tabu.

«Pro Senectute» pretenda tranter auter che la Confederaziun sa participeschia finanzialmain a purschidas d’assistenza e da sustegn. Cuntrari a la tgira na sajan purschidas d'assistenza betg sbursadas da l'assicuranza fundamentala da las cassas da malsauns.

Ils ultims diesch onns saja il dumber da cas da violenza cunter vegls sa dublegià. Ma blers na gughegian betg d'annunziar sch'insatge capitia. La «Pro Senectute» quinta che var in terz da la populaziun svizra pensiunada saja gia stada pertutgada da violenza u abus.

RTR novitads 10:00

Artitgels legids il pli savens