Siglir tar il cuntegn

Header

cuntegn

Svizra Probabel relaschadas da massa tar OVS

Tar il commerciant da resti en Svizra, OVS, datti probabel bleras relaschadas. La successura da Charles Vögele, respectiv sia figlia svizra Sempione Fashion, ha problems finanzials e dumandà in moratori ed instradà la consultaziun uffiziala cun ils represchentants dal persunal.

En ina brev a las collavuraturas ed als collavuraturs dal concern da resti scriva l'interpresa che relaschadas na sajan betg evitablas sin fundament da la situaziun actuala. Ina relaschada da massa saja da trair en consideraziun. Durant il moratori da quatter mais possia il persunal far propostas co ins pudess evitar relaschadas u reducir il dumber da relaschadas sco era propostas per mitigiar las consequenzas.

Tenor atgnas indicaziuns lavuran actualmain 1'180 persunas tar Sempione. L'emna passada ha la marca da resti OVS dà tiers d'avair fatg naufragi en Svizra cun surpigliar la chadaina Charles Vögele.

Cun il moratori duai vegnir impedì ina fin immediata.

RR novitads 20:00

Artitgels legids il pli savens