Procedura cunter Svizzer ch'haja cumbattì en la Siria

La giustia militara svizra fa ina procedura cunter in Svizzer che duai avair cumbattì en la Siria.

Emblem da la giustia militara sin l'unifurma Bild in Lightbox öffnen.

Legenda da maletgs: La giustia militara investighescha cunter in Tessinais cun ragischs sirianas. Keystone

L'um è vegnì arrestà ed interrogà, e saja saja ussa liber, ha fatg a savair la giustia militara. A l'um vegn renfatscha d'esser entrà en servetsch militar ester. Tar ina sentenzia pudess el survegnir ina multa ubain ch'i smanatscha praschun fin 3 onns.

Tenor plirs rapports da medias sa tractia quai tar l'um d'in anteriur sutuffizier da l'armada svizra. L'um tessinais cun ragischs sirianas duai avair cumbattì cunter il reschim d'Assad e cunter la milissa Stadi Islamic.

RR novitads 12:00