L’Uffizi federal per dumondas da consuments ha controllà pliras filialas dal concern da mobiglias svedais Ikea en Svizra, suenter ch’il fond Bruno Manser aveva reclamà.
Uss ha il Departament federal d’economia avert en dus cas ina procedura penala administrativa, pervi da suspect d’avair declerà pliras giadas fallà products. Il departament ha confermà in rapport da radio SRF.
IKEA Svizra renviescha las rinfatschas
Els hajan adina puspè la situaziun che las etichettas en las filialas manchian, ha ditg in represchentant da Ikea envers radio SRF. Las etichettas vegnian fermadas a maun, e mintga filiala remplazzia a di 80 fin 100 etichettas che sajan svanidas.
Tenor il Departament federal d’economia è la situaziun speziala tar Ikea Svizra enconuschenta ad els. Enfin che la procedura è terminada, vala la presumziun d’innocenza.