Siglir tar il cuntegn
cuntegn

Svizra Proceduras pli spertas

Sco emprima chombra ha il Cussegl dals chantuns approvà la lescha d’asil (cun 35 cunter 3 vuschs e 5 abstenziuns). Las proceduras d’asil duain vegnir pli curtas e durar maximalmain 140 dis, quai era grazia als centers federals d’asil ch’èn planisads en Svizra.

en sala dal cussegl dals chantuns
Legenda: Il Cussegl dals chantuns ha cumenzà la debatta da midar il sistem d'asil. Keystone

Là fissan tut ils acturs sco l’uffizi da migraziun, advocats e dolmetschers.

Per che las proceduras restian fairas e correctas duain ils requirents d’asil survegnir gratuitamain in represchentant legal. Il Cussegl dals chantuns ha acceptà questa proposta dal Cussegl federal. La proposta da politichers da la dretga da stritgar questa purschida n’ha gì nagina schanza. Plinavant ha il cussegl dals chantuns agiuntà insaquants detagls a la lescha:

  • Requirents d’asil che disturban la segirtad e l’urden en ils centers federals duain vegnir separads en in center spezial per persunas renitentas
  • Giuvenils e famiglias na duain betg survegnir in center federal separà, mabain vegnir integrads en ils centers federals normals
  • Sche la confederaziun planisescha in center federal duain chantun e vischnanca vegnir informads ad uras davart quests plans

Sco proxim tracta il cussegl naziunal la lescha d’asil.

RR novitads 06:00