La giustia franzosa renfatscha a la UBS d'avair engaschà illegal clients en Frantscha ed uschia gidà a lavar daners e commetter fraud fiscal. Uschia manchia al fisc per ils onns 2004 fin 2012 radund 10 milliardas euros. La UBS ha snegà talas renfatschas e di ch'ella n'haja betg violà la lescha.
Dapi l'october e probabel anc fin ils 15 da november è l'UBS avant dretgira nua ch'ella sa defenda cunter las renfatschas da lavar daners ed assistenza a fraud fiscal. Il fanadur 2014 aveva la UBS gia stuì deponer ina cauziun da 1,1 milliardas euros.
RR novitads 17:00