Siglir tar il cuntegn
Inhalt

Svizra Process cunter UBS a Paris: Frantscha vul 1,6 milliardas euros

La banca UBS duai pajar a la Frantscha ina indemnisaziun da 1,6 milliardas euros. Quai pretenda la procura publica en il process che stat il mument avant la dretgira penala a Paris.

logo da UBS stgir.
Legenda: Keystone

La giustia franzosa renfatscha a la UBS d'avair engaschà illegal clients en Frantscha ed uschia gidà a lavar daners e commetter fraud fiscal. Uschia manchia al fisc per ils onns 2004 fin 2012 radund 10 milliardas euros. La UBS ha snegà talas renfatschas e di ch'ella n'haja betg violà la lescha.

Dapi l'october e probabel anc fin ils 15 da november è l'UBS avant dretgira nua ch'ella sa defenda cunter las renfatschas da lavar daners ed assistenza a fraud fiscal. Il fanadur 2014 aveva la UBS gia stuì deponer ina cauziun da 1,1 milliardas euros.

RR novitads 17:00