Siglir tar il cuntegn

Header

Policists da la polizia chantunala dal Tessin controlleschan las vias enturn il Tribunal penal federal.
Legenda: Policists da la polizia chantunala dal Tessin controlleschan las vias enturn il Tribunal penal federal a Bellinzona. Keystone
cuntegn

Svizra Process SI - Lungs chastis d’arrest per ils 4 Iracais

A Bellinzona cuntinuescha il process cunter 4 Iracais che duain avair preparà in’attatga terroristica en Svizra. En il process d’indizis propona la Procura publica federala lungs chastis d’arrest per ils commembers probabels dal Stadi islamic.

Per l'accusà principal propona la procura publica il chasti maximal da 7,5 onns arrest. Per ils dus ulteriurs accusads pretenda ella chastis da 5,5 e 2,5 onns.

«In privel per la segirezza publica»

La procura publica argumentescha quai cun indizis concrets ch’ils umens hajan preparà in’attatga en Svizra. Tuts 4 sajan in privel per la segirezza publica. Per proteger la populaziun, haja la procura publica immediat laschà arrestà ils suspectads e betg spetgà fin ch’i dettia plans per in attentat concret.

Process dura anc 3 dis

Ils 4 Iracais refusan d’esser commembers da la gruppa da terror e d’avair collavurà cun l’organisaziun. Il process duai anc durar 3 ulteriurs dis. Cun ina vegn spetgà ils 18 da mars.

RR novitads 06:00

sda/cs

Artitgels legì il pli savens

Nach links scrollen Nach rechts scrollen