L'Uffizi federal da cultura e la Fondazione Processioni di Mendrisio han inoltrà uffizialmain la candidatura per daventar patrimoni cultural immaterial da l'UNESCO. Las processiuns religiusas han lieu mintg'onn durant l'emna sontga ed attiran millis aspectaturas ed aspectaturs.
La gievgia sontga insceneschan 270 laics la Passiun da Cristus ed il venderdi sontg portan indigens differents objects religius tras las vias. Ina caracteristica ed element central da la candidatura sajan ils «trasparenti», tailas coluradas ch'illumineschan las vias durant las processiuns, scriva l'uffizi da cultura.
Per la glista da l'Unesco dastga mintga pajais inoltrar il mars ina suletta candidatura. Gia prendids si en la glista da l'Unesco èn la festa da vin da Vevey ed il Tschaiver da Basilea. La decisiun davart Mendrisio croda probabel il 2019.
RR novitads 11:00