Siglir tar il cuntegn

Header

cuntegn

Procura publica chantun Vad Inquisiziun pervi da cugliunarias cun credits da corona

La procura publica dal chantun Vad ha instradà in'inquisiziun en connex cun credits da corona, ins suppona utilisaziun fraudulenta. Passa 1 milliun e mez francs sajan probabel vegnids transferids a l'exteriur. Perquai èn uss bloccads numerus contos da banca.

La procura publica ha communitgà ch'ella haja perquirì pliras localitads ed arrestà pliras persunas ils 19 da matg. Ina da las persunas suspectadas è en arrest d'inquisiziun. Ins suppona ch'ils inculpads hajan survegnì agid finanzial da plirs milliuns da pliras bancas sin fundament dad indicaziuns faussas.

La procura publica ha instradà in'inquisiziun pervi da cugliunaria, gestiun illoiala, falsificaziun da vaglia, lavada da daners e violaziun cunter l'ordinaziun davart garanzias solidaricas en connex cun credits da Covid-19.

Ulteriurs cas en chantun Turitg

Gia ils 12 da matg èn cas sumegliants vegnids enconuschents en il chantun Turitg. Radund 30 cas da cugliunaria suspectusa èn vegnids a la glisch lura. La summa da delict exacta n'era lura anc betg enconuschenta.

RTR novitads 11:00

Artitgels legids il pli savens

Scrollar a sanestra Scrollar a dretga