La Procura publica federala ha lantschà ina procedura penala cunter nunenconuschent suenter l’attatga da terror en il Tadschikistan. Tar l’attatga la dumengia passada sin ina gruppa da velocipedists, è in Svizzer vegnì mazzà ed ina ulteriura Svizra blessada. I saja ina procedura normala suenter in tal eveniment, nua che burgais svizzers sajan involvids. Quai ha la Procura publica confermà envers l’agentura da novitads Keystone-SDA.
Tenor il ministeri da l’intern da Tadschikistan saja la partida islamica da la renaschientscha responsabla per l’attatga. Quai n’è dentant anc betg confermà.
RR novitads 12:00