- In anteriur collavuratur da la Confederaziun duai avair manipulà sur onns il sistem da computer – uschia ch'in importader d'autos n'ha betg stuì pajar tant taxas sco fixà, en connex cun las valurs CO2.
- Perquai duai l'um avair survegnì 2'000 francs al mais.
- La Procura publica federala ha uss fatg accuaziun.
Trais persunas han procurà ensemen, che datas da svapur èn vegnidas manipuladas. Quai rinfatscha la Procura publica federala, ed ella fa perquai accusaziun cunter in anteriur collavuratur da l’Uffizi federal da vias Astra – e cunter dus commembers dal cussegl d’administraziun d’ina firma d’import d’autos.
L’anteriur collavuratur dal Astra duai avair survegnì daners dals dus commembers dal cussegl d’administraziun, dal 2014 fin il 2017 mintga mais 2’000 francs. Persuenter haja el manipulà las datas d’emissiun da CO2 dals vehichels importads. Uschia n’ha la firma d’import d’autos betg stuì pajar – era sche las valurs intermediaras da CO2 da tut ils autos importads eran sur la limita fixada.
Las manipulaziuns da l’anteriur collavuratur dal Astra han chaschunà in donn da 9 milliuns francs a la Confederaziun. Ils trais umens accusads ston uss sa responsar avant il Tribunal penal federal a Bellinzona.