Siglir tar il cuntegn

Header

cuntegn

Procura publica federala Procedura penala cunter trais commembers dal IS

La Procura publica federala ha avert ina procedura penala cunter trais commembers probabels da la milissa terroristica «Stadi Islamic». La famiglia era vegnida repatriada ier da la Tirchia. I sa tracta da l’emprima giada che la Svizra ha prendì enavos commembers probabels da la milissa.

Suenter lur arrivada haja la polizia interrogà la famiglia. Ella na saja però betg vegnida arrestada. Quai ha communitgà la procura publica. Las trais persunas na sa chattavan betg en il territori da guerra da l’uschenumnà «Stadi Islamic», ni en la Siria ni en l’Irac.

Betg l'unica procedura

En la Svizra datti en il mument tranter 60 e 70 proceduras cunter simpatisants da terror. A las persunas vegn renfatschà propaganda per organisaziuns terroristicas. Quai cuntrafa a la lescha federala davart il scumond d'organisaziuns terroristicas sco per exempel «Al Kaida» u il «Stadi Islamic».

Plinavant datti plirs cumbattants dal IS cun pass svizzer ch'è sa chattan en la Siria en praschun. Anc n'èn nagins returnads en Svizra. La ministra da giustia Karin Keller-Sutter ha ditg ch'ins na veglia betg prender enavos persunas che stattan en connex cun il Stadi Islamic.

RTR novitads 14:00

Artitgels legids il pli savens

Ir a sanester Ir a dretg