Siglir tar il cuntegn

Header

Purtret d'in policist ch'ins vesa ils accessoris da l'unifurma.
Legenda: Pistolas, accessoris e parts da l'unifurma hajan ils polizists engulà. Keystone
cuntegn

Svizra Procura publica son gagliaisa investighescha cunter 2 policists

Dus policists dal chantun Son Gagl duajan avair engulà e vendì unifurmas ed armas uffizialas da la polizia. Perquai investighescha uss la procura publica dal chantun Son Gagl cunter quests dus policists.

La stad 2014 ha la polizia chantunala denunzià ils dus policists suspectads. Il pledader da la polizia chantunala Son Gagl conferma uschia in rapport da la gasetta 20 minutas. Ils dus policists sajan suspendids dapi la stad 2016. I valia qua la presumziun d'innocenza, pia ch'ins va da quai annora ch'ils policists na sajan betg culpants, enfin ch'i dat mussaments clers per il cuntrari.

La procura publica ha cumenzà las investigaziuns suenter che la combra d'accusaziun aveva autorisà ella. Tranter auter sajan vegnidas enguladas duas armas da servetsch d'anteriurs policists. La rauba engulada hajan els offerì e vendì en Svizra.

Er encunter in terz policist saja vegnì investigà perquai ch'el saja vegnì suspectà d'avair gì da far insatge cun la chaussa. Las reproschas cunter el n'han dentant betg pudì vegnir affirmadas.

RR novitads 12:00

Dapli da Svizraavrir la Landingpage

Nach links scrollen Nach rechts scrollen